• Ул. Народен Фронт бр. 5-3лок. 4и5Скопје 1000

Грижата за вашите заби е од клучно значење за вашето општо здравје и функција на организмот! Професионалниот тим на Premium Dent ќе се погрижи да имате здрави заби и блескава насмевка!

Ова е третман со кој ќе ви помогнеме да ги отстраните целосно сите цврсти и меки наслаги на површината на забите, дамките и сите останати пребојувања предизвикани од конзумирање на обоена храна и напитоци (чај,кафе,кока кола и црвено вино и сл.) и цигари.

Чистењето на забниот камен се врши со помош на ултразвучен апарат со кој се отстрануваат цврстите наслаги на површината на забите. Воздушното чистење и полирање на забите (пескарење) подразбира отстранување на меките наслаги на забите со воздушен млаз на бикарбонатни честички. На овој начин се отстрануваат сите најситни и најнедостапни наслаги кои вообичаено не можат да се исчистат со класичното полирање со помош на ротирачка четка и абразивна паста. Третманот на непцата подразбира обработка на пародонталните џебови преку длабинско чистење на наслаги меѓу непцата и забите.

Ваквиот третман е индициран при следниве состојби – гингивални и пародонтални заболувања – пребојувања на забите од чај, кафе или цигари – меки наслаги на забите – чистење на фиксни ортодонтски апаратчиња – темелно чистење на забите пред бондирање и залевање – чистење на забите пред третман на белеење на забите

На овој начин се врши превенција на забите од кариес, се намалува можноста за воспаление на непцата, а со тоа се намалува и можноста за развој на пародонтопатија.

Во стоматолошката ординација Премиум – Дент можете да ги добиете следниве услуги:

• Протетика (коронки и мостови),метал керамика,прес керамика,цела (фул) керамика – CAD CAM (циркониа)
• Пломбирање -микро-нано-композит-хелио материјали
• Лекување (кариологија и ендодонција)
• Козметско-естетска стоматологија, професионално белеење на забите, пескарење, чистење забен камен со изо кристали, лепење циркони
• Импланти
• Ортодонтски апаратчиња

За компанијата

Стоматолошката ординација Премиум-Дент има склучено договор со Фондот за здравствено осигурување на РМ и работи со сини картони. За пациенти со болка достапни сме 24/7 на телефон 070-444-111.